Información relativa ás extraescolares

Cando dean comezo as extraescolares,o alumnado que vaia a comedor será recollido  directamente polo persoal de extraescolares.

No caso de ter dúas extraescolares consecutivas, o persoal das distintas extraescolares coordinarase para que o alumnado estea sempre acompañado.

Todas as actividades extraescolares teñen lugar dentro do recinto do colexio.

Ao finalizar a actividade, o persoal de extraescolares entregará os nenos e nenas soamente as persoas que estean previamente autorizadas a través dun documento de autorización que será entregado polo persoal de extraescolares aos nenos cando comecen as actividades e que será devolto, debidamente cuberto ao mesmo persoal.

Previamente á entrega do documento de autorización de recollida, é preferible que sexan os propios proxenitores ou titores legais que recollan o alumnado de extraescolares. O alumnado de primeiro curso poderá atopar unha copia do documento  nas mochilas por se a precisaran xa para os primeiros días.

O pavillón de Romil no Pleno do Concello

Hoxe levouse ao Pleno do Concello unha moción para que o alumnado do CEP Dr Fleming puidera utilizar o Pavillón de Romil

TODOS os grupos parlamentarios, agás o PSOE, votaron a favor da moción.

O concelleiro de deportes mostrou en todo momento o seu máis absoluto desinterese polo tema e deixou clara a intención do Concello de non modificar o uso que actualmente se lle está dar ao Pavillón de Romil.

Non conseguimos entender cales son as motivacións desta desatención das necesidades das nenas e nenos do colexio, e a infrautilización dunha instalación pública, cando a cesión do espazo para as clases de educación física tería un custe cero para o Concello. 

A pesar de todo, seguimos confiando en que o Concello reconsidere a súa decisión e solvente o problema tras o debate no Pleno de hoxe.

NOVIDADES SOBRE EXTRAESCOLARES

Realizaranse, no horario previsto as seguintes actividades:

• Baloncesto
• Skate
• Multideporte
• Fútbol sala
• Bádminton
• Francés I (luns)
• Francés II (xoves)
• Comic I (xoves)
• Pintura e debuxo (Ana Termes)
• Deberes
• Baile Galego
• Baile Moderno
• Ximnasia Acrobática
• Teatro I (xoves)
• Teatro II (venres)
• Robótica I (xoves)
• Robótica II (venres)
• Patinaxe
• Atletismo
• Ilustración
• Inglés 1 (martes e xoves)

Quedan canceladas, por falta de inscricións:

• Comic II
• Arte e danza
• Debuxo (Diego)
• Inglés 3
• Inglés 4

Modifícanse os seguintes horarios:

• Inglés 5 e Inglés 6 xúntanse, luns e mércores de 16:00 a 17:00
• Inglés 2 xúntase con Ingles 1 martes e xoves de 16:00 a 17:00

Xudo está pendente de confirmación.

IMPORTANTE. Todas as nenas e nenos inscritos a día 27/09  están admitidos nas actividades que solicitaron.

Xuntanza 24 de setembro

 Moitas grazas a todas as familias que viñestes o sábado pola mañá a celebrar o día europeo do deporte escolar e a reclamar o uso do pavillón de Romil!!!!

Foi un día moi bonito, onde tivemos a oportunidade de reivindicar o uso do espazo do pavillón mentras usabamos e desfrutabamos dunha das praciñas da cidade como espazo de xogo e encontro 💗💗

Desde a ANPA queremos agradecer a todos partidos políticos que nos apoiaron no proceso e que se fixeron eco das nosas reivindicacións, e lamentamos que o alcalde non respondera a nosa invitación para acudir ao acto a que lle puideramos expor as nosas inquedanzas en persoa.

Novas publicacións en prensa sobre a situación do pavillón de Romil

A prensa segue a facerse eco das reivindicacións da comunidade educativa do C.E.P. Dr Fleming relativas ao uso do Pavillón de Romil para as clases de educación física do seu alumnado:

https://www.vigoalminuto.com/2022/09/21/instan-a-caballero-a-que-permita-aos-alumnos-do-colexio-fleming-usar-o-pavillon-de-romil/

https://www.farodevigo.es/gran-vigo/2022/09/21/bng-pide-ceip-doctor-fleming-75700699.html

https://hermesvigo.com/el-bng-pide-al-ayuntamiento-de-vigo-que-permita-usar-de-una-vez-el-pabellon-de-romil-al-alumnado-del-colegio-doctor-fleming/

https://hermesvigo.com/el-pp-de-vigo-demanda-al-gobierno-local-que-ceda-el-uso-del-pabellon-municipal-de-romil-a-los-mas-de-600-alumnos-del-doctor-fleming/

Resposta da ANPA ao comunicado de prensa realizado polo Sr. Abel Caballero

A ANPA do CEP Dr Fleming quere agradecer o interese demostrado polo alcade de Vigo, o Sr. Abel Caballero, pola problemática actual do pavillón de Romil. 

Así mesmo, gustaríanos  invitalo a participar no evento que temos programado o sábado 24 de setembro ás 11:00 para  poder explicarlle en persoa as nosas reivindicacións.

Por unha banda, queremos que comprenda que o espazo que se nos asignou resulta perigoso e inaxeitado para que nenas e nenos de primaria realicen actividades deportivas. Cónstanos que nel xa se produciu un accidente dunha deportista durante o breve período de tres semanas no que este espazo estivo sendo utilizado por un clube este mes de setembro.

Desde a ANPA reclamamos o uso do espazo central do pavillón porque é un espazo seguro para as nosas rapazas e rapaces e porque é un espazo baleiro en horario de mañá. Entendemos que, se non se nos cedeu ata agora ese espazo central, é porque o clube que o ocupa na actualidade, en horario de tarde, bloquea o uso do mesmo en horario de mañá. Polo tanto, solicitamos ao Sr. Abel Caballero que reconsidere a ubicación dos distintos clubes nos espazos municipais e que ubique no pavillón de Romil a un clube que permita compartir o espazo co centro. Deste xeito optimizaríase o uso dun espazo que é público pero que na actualidade está sendo utilizado de xeito exclusivo polos membros dun clube deportivo privado.

A prensa reflicte o problema do noso cole co pavillón de Romil

 A ANPA contactou cos diferentes grupos municipais en busca de apoios para atopar unha solución ao problema do centro co pavillón de Romil.

Aquí tendes algunhas das publicacións que sairon en prensa dixital tratando o tema:

https://vigohoy.es/el-grupo-municipal-del-pp-de-vigo-respalda-al-anpa-del-doctor-fleming-ante-la-negativa-del-gobierno-local-a-que-utilicen-el-pabellon-de-romil/

https://hermesvigo.com/el-pp-municipal-respalda-al-anpa-del-doctor-fleming-ante-la-negativa-del-gobierno-vigues-a-que-los-ninos-utilicen-el-pabellon-de-romil/

https://vigo.bng.gal/articulo/novas/bng-pide-vigo-pavillon-romil-colexio-doutor-fleming/20220920124106005660.html

https://www.vigoe.es/vigo/local/o-bng-pide-ao-concello-de-vigo-que-permita-usar-o-pavillon-de-romil-ao-colexio-doutor-fleming/

O problema tamén apareceu en prensa escrita:

MODIFICACIÓN DOS GRUPOS DE INGLÉS

Dado o escaso número de solicitudes para os grupos de inglés, faise un reagrupamento dos mesmos, que quedarán do seguinte xeito:

1º e 2º: Martes e xoves de 16:00 á 17:00

3º e 4º: Luns e mércores de 16:00 á 17:00

5º e 6º: Luns e mércores de 16:00 á 17:00

RECLAMEMOS O USO DO PAVILLÓN MUNICIPAL DE ROMIL PARA AS CLASES DE E.F.

 ¿Sabiades que o Pavillón de Romil, a pesar de ter unha entrada directa desde o Fleming, non está a ser utilizado para as clases de educación física do noso centro?

Vémonos o día 24 de setembro entre as 11:00 e as 13:00 para practicar deporte e reclamar que as instalacións de Romil poidan ser usadas pola nosa rapazada!! 

A nivel organizativo, axudaríanos moito que confirmarades a vosa asistencia respondendo este formulario, que consta dunha única pregunta.

Cantas máis persoas sexamos, máis nos faremos oir!! 

VINDE TODAS E TODOS!! 

PASADE A INFORMACIÓN!!

BALONCESTO

A actividade de BALONCESTO queda confirmada. O prazo de solicitude da actividade é o mesmo que para o resto das extraescolares (do 15 ao 23 de setembro) 

Máis información sobre o proceso de inscripción aquí.

ACTUALIZADA A LISTAXE DE ACTIVIDADES EXTRAESCOLARES

Xa tendes toda a información sobre as extraescolares para o curso 2022-2023 actualizada neste enlace.

Aula Matinal

 MOI IMPORTANTE!!

Este ano a entrada á aula matinal (máis información neste enlace) farase pola entrada principal do colexio, por onde entra o alumnado de 1º e 2º  (a porta que aparece sinalada como E1 na foto). 

A actividade desenvolverse na aula de usos múltiples

Piscina

 Renovacións:  Os nenos que continúen na actividade de piscina soamente teñen que facer o pago da actividade por transferencia ao número de conta da ANPA (que podedes atopar no formulario de alta de socios). O custe da actividade é de 31€ por cuadrimestre e no concepto da transferencia debe figurar PISCINA+ Nome e apelidos do/a neno/a. O prazo para proceder ao pago das renovacións é do 8 ao 14 de setembro, ambos incluídos.

Novas altas: Para solicitar a incorporación da actividade de novos/as alumnos/as, hai que entregar na ANPA (físicamente ou por correo electrónico) o formulario de inscrición. O prazo para a solicitude de novas prazas é do 15 ao 23 de setembro. Indicade no asunto do correo electrónico ALTA PISCINA e o nome e curso da/o nena/o.

LEMBRADE QUE PARA PARTICIPAR EN CALQUERA ACTIVIDADE EXTRAESCOLAR É PRECISO SER SOCIAS/OS DA ANPA

COMENZAMOS O CURSO 2022-2023

¡¡ Benvidas/os ao curso 2022-2023!!

Unhas breves notas para o principio de curso:

Aquí poderedes atopar o documento de alta de socios.

Lembrade que para facervos socios é preciso facer unha transferencia de 20€ por familia ao número de conta indicado na folla de inscrición e enviar unha copia do documento cuberto á dirección de correo electrónico fleming.anpa@gmail.com

Xa está aberta a inscrición á aula matinal. Podedes atopar aquí o documento para a inscrición. A aula matinal comezará o venres día 9 de setembro, en horario de 8:00 a 9:00. IMPORTANTE: Para a inscrición da aula matinal hai que facer unha transferencia de 6€ en concepto de seguro anual ao número de conta da ANPA (como figura no formulario). Como concepto da transferencia debe aparecer: Nome, apelidos e grupo do neno+ Seguro

As extraescolares comezarán a día 1 de outubro. Ao longo desta semana publicaremos a lista actualizada de actividades e horarios.

Lembrámosvos que as rúas de Romil e Ourense nas proximidades do colexio están en obras estes días, polo que non é posible acceder en coche nin aparcar.