PROGRAMACIÓN SEMESTRAL CASA DAS MULLERES

A Concellería de Igualdade do Concello de Vigo abre o prazo de inscrición para unha serie de actividades de carácter gratuíto que se desenvolverán (en formato virtual e/ou presencial con grupos reducidos) na Casa das Mulleres (r/ Romil, 20).

Podedes consultar o listado de obradoiros aquí.

Proceso de inscrición para todas as actividades formativas:

• Prazo de inscrición: dende a publicación da presente convocatoria e ata cubrir prazas.

• Ficha de inscrición: deberase cubrir os datos solicitados na ficha de inscrición (DESCARGAR, formato editable). O Curso de formación en igualdade para profesionais (DESCARGAR, formato editable) e o Curso de formación en igualdade para monitorado de ocio e tempo libre e animación sociocultural (DESCARGAR, formato editable).

• Presentación da Ficha de inscrición: Enviarase por vía telemática unha ficha asinada por cada unha das actividades solicitadas a casadasmulleres@vigo.org ou ofi.muller@vigo.org

No caso que non sexa posible a vía telemática, farase a entrega presencial da ficha de inscrición asinada na Casa das Mulleres, de luns a venres, 17:30-21:30.

Criterios de admisión nas actividades: Terán preferencia as persoas empadroadas no Concello de Vigo (farase a correspondente comprobación) e que non fixeran algún curso sobre a mesma materia. Logo seguirase o criterio de orde de entrada da solicitude. Prazas limitadas.

Sempre será necesaria a inscrición previa, tendo en conta que se traballará con grupos reducidos e aforo limitado e que as persoas inscritas aceptan cumprir coa normativa interna en relación a prevención sanitaria fronte á Covid-19.

• Confirmación da praza: unha vez admitida comunicarase por enderezo electrónico ou por teléfono