O xoves, día 9 de xuño de 2022, ás 16:00 h en primeira convocatoria e ás 16:30 h en segunda convocatoria, celebrarase na Sala de Usos Múltiples do CEP Dr Fleming a asamblea xeral ordinaria de socios, co seguinte:
ORDE DO DÍA
1. Lectura e aprobación, se procede da acta anterior.
2. Aprobación das contas do exercicio anterior
3. Aumento da cuota a aboar polos asociados o vindeiro curso 2022/2023
4. Proposta da Xunta Directiva sobre a ampliación das actividades extraescolares solicitadas ao concello
5. Decisión a tomar ante as respostas das peticións dos asociados relativas ao Servicio de Comedor
6. Servizo Madruga: decisión a tomar sobre volver coa empresa Fervellos que prestaba o servizo anteriormente
7. Non uso da Instalación Deportiva Municipal de Romil polos alumnos do centro para actividades escolares. Creación de unha comisión de traballo para acadar o uso efectivo do mesmo durante o próximo curso.
8. Rogos e preguntas
En relación co punto número 7, é fundamental que acudamos á Asamblea tantas familias como nos resulte posible.
Como moitos xa sabedes, a utilización das Instalacións Deportivas de Romil para as clases de Educación Física foi unha promesa feita polo alcalde ao centro fai máis de 5 anos. Na actualidade aínda non se está a usar porque a parte máis accesible ao alumnado está a ser ocupada de xeito permanente por un clube privado e a única parte á que se lle permite acceder ao alumnado do centro é na planta superior e non cumple as condicións de seguridade mínimas esixibles. Esgotadas as vías administrativas, temos que procurar outras vías, sabendo que o concello só nos escoitará se somos moitas familias dispostas a manifestar o noso malestar coa situación actual.
Ningún comentario:
Publicar un comentario